Dewch o hyd i gyfleoedd gwirfoddoli sy’n addas i chi gyda Gwirfoddoli Cymru
Eisiau gwirfoddoli ond ddim yn siŵr ble i ddechrau? Gall Gwirfoddoli Cymru eich cysylltu chi â’r mudiadau sydd eich angen.
Mae Gwirfoddoli Cymru am ddim i bawb ei defnyddio, ac mae cannoedd o fudiadau eisoes yn ei defnyddio i hysbysebu eu cyfleoedd gwirfoddoli, a gallai cofrestru ddim bod yn haws.
GWNEUD GWIRFODDOLI’N HAWDD
Mae gan Gymru hanes cyfoethog o wirfoddoli, yn ei holl ffurfiau, ac mae’n haws nag erioed i chi ddod o hyd i ffyrdd i helpu yn eich cymuned leol. Mae mudiadau’n hysbysebu pob math o gyfleoedd gwirfoddoli ar draws y wlad, o weithio mewn siopau elusen, i brofiadau unigryw fel gofalu am emwaith neu fod yn gyfaill gig i oedolion ag anableddau dysgu. Os ydych chi am wneud gwahaniaeth yn eich cymuned, ond ddim yn siŵr ble i ddechrau, Gwirfoddoli Cymru yw’r lle i fynd.
Os ydych chi’n rhywun sydd eisiau rhoi yn ôl i’ch cymuned, gall Gwirfoddoli Cymru eich helpu i ddod o hyd i ffyrdd diddorol a hanfodol o wneud hynny.
WRTH LAW MEWN ARGYFWNG
Rydyn ni’n gwybod bod llawer o bobl eisiau helpu yn eu cymuned leol ond nad oes ganddyn nhw amser i ymrwymo i rywbeth hirdymor, ond nawr, am y tro cyntaf, mae Gwirfoddoli Cymru yn caniatáu i chi gofrestru fel gwirfoddolwr brys. Bydd yn dod â chi’n rhan o gymuned hollbwysig o wirfoddolwyr a all fod wrth law i helpu mewn argyfyngau fel tywydd difrifol, llifogydd, neu amgylchiadau eithriadol eraill.
Gwirfoddolwyr yw asgwrn cefn y sector gwirfoddol, ac ar adeg pan mae amser ac arian yn brin i lawer, nod Gwirfoddoli Cymru yw gwneud eich profiad mor rhwydd a gwerth chweil â phosibl. At hynny, mae’n rhywbeth y gallwch chi ei wneud o gysur eich cartref, gyda llawer o fudiadau’n cynnig cyfleoedd gwirfoddoli hygyrch neu o bell.
Mae Gwirfoddoli Cymru yn rhan o TSSW, mae hyn yn golygu y gallwch gysylltu eich Cyngor Gwirfoddol Sirol lleol (CGS) neu Ganolfan Gwirfoddoli am gymorth ychwanegol - GVS (Gwasanaethau Gwirfoddol Morgannwg), Ffôn: 01446 741706, E-bost: volunteering@gvs.wales Gwefan: www.gvs.wales
RHOI YN ÔL, ENNILL RHYWBETH
Gall gwirfoddoli fod yn ffordd wych o ddatblygu eich sgiliau, os hoffech brofiad yn gweithio mewn siop, gwella eich sgiliau cyfathrebu, neu hyd yn oed wella eich hyder gyda phobl. Mae gwirfoddoli yn ffordd wych o roi yn ôl a dangos i bobl eich bod yn gofalu amdanyn nhw, ond gall hefyd fod yn ffordd wych o ddatblygu eich hunan, yn enwedig os hoffech weithio yn y sector gwirfoddol.
Waeth beth rydych chi’n ei wneud, gall Gwirfoddoli Cymru eich helpu i ddod o hyd i’r hyn rydych chi’n chwilio amdano – cofrestrwch am ddim heddiw.